疫情下，八大資助院校都實施網上教學，唔少人關注藝術設計同醫療學科可以點樣做。理工大學噚日就示範佢哋嘅網上教學，設計學院導師喺直播示範繪圖，學生就各自跟佢畫，再上載雲端系統；眼科視光學系就拍咗超過70條片，示範儀器用途。
理大設計學院專任導師晉裕昌噚日示範網上教平面繪圖，當中有學生喺北京實時上堂，佢仲問個學生當地天氣好唔好????。（楊柏賢攝）
醫療課最快周一恢復技能訓練
理大已行網上教學5個星期，噚日即場示範咗一堂設計學院嘅課堂，由設計學院專任導師晉裕昌即時做平面繪圖教學。晉裕昌話，以往會叫所有學生圍埋一齊睇佢畫圖，????家就透過直播系統示範，學生上傳作品之後，佢會喺畫面展示學生嘅作品，即時回饋。有人擔心網上課堂會影響學生出席率，理大醫療及社會科學院院長岑浩強話，學生至今參與率維持喺八九成，有唔少學生仲比以前踴躍發問。
岑浩強又話，理大有多個醫療相關課程，例如職業治療、護理學、視光學等，需要臨牀實習同技能訓練，為免影響教學進度，最快下周一會恢復個別學科嘅技能訓練，但一切仍有待校方批核。
