Daily News

科學園增「創新斗室」宿舍 共511個宿位 248呎月租$7000 入住條件係?

【明報專訊】香港創科人才短缺,其中一大原因是生活成本高,想在外地請人來港都困難。科學園創科公司Fano Labs創辦人溫豪夫分享,他曾經請過一個美國大學生來港實習,他自行找了深水埗的單位住下,但居住環境「嚇親人哋阿媽」。位於科學園區入口的創新斗室(InnoCell)動工兩年後,昨日終開幕,科技園公司行政總裁黃克強說,希望提供到環境好、又可負擔的住宿給創科人才,吸引和留住他們在香港。

創新斗室除咗一般嘅單人房、雙人房,每層亦設一間獨立大房The Powerhub(圖),2000幾呎入面有8間單人房,中間有共用工作空間,畀公司短租搞活動、做大project。(曾憲宗攝)
創新斗室除咗一般嘅單人房、雙人房,每層亦設一間獨立大房The Powerhub(圖),2000幾呎入面有8間單人房,中間有共用工作空間,畀公司短租搞活動、做大project。(曾憲宗攝)

黃克強:盼留住創科人才
副總監稱日收800查詢

創新斗室樓高17層,有511個宿位,4種房型:單人房同雙人房面積同為248平方呎,月租分別7000及8000元;另有497平方呎的套房,可間成3間房,月租2.5萬元。每層更有一間2184平方呎嘅The Powerhub,設8間單人宿位同一個獨立工作空間,讓公司短租舉辦活動、做團體工作,月租10萬。

日期:2021年4月10日(星期六)

時間:中午12:00-下午4:30

地點:香港金域假日酒店地庫3層麗晶殿(港鐵尖東站N5出口)

立即報名:https://link.mingpao.com/67496.htm
試住期間最受歡迎嘅係9樓嘅「打機層」(圖),有齊晒多款遊戲機,例如PS5、XBox One、Switch,仲有賽車模擬器,咁多嘢玩,唔怪得咁受歡迎。(曾憲宗攝)
試住期間最受歡迎嘅係9樓嘅「打機層」(圖),有齊晒多款遊戲機,例如PS5、XBox One、Switch,仲有賽車模擬器,咁多嘢玩,唔怪得咁受歡迎。(曾憲宗攝)

創新斗室層層有不同主題,例如「打機層」有齊PS5、Xbox One、Switch,更有模擬賽車;亦有靜態的「閱讀層」,負責人說會定期舉辦不同活動,給創科人才聯誼交流。

17層嘅創新斗室,每層都有唔同主題,例如12樓係「閱讀層」(圖),連接住13樓嘅樓梯有一級級書架,仲會不時搞漂書活動。(曾憲宗攝)
17層嘅創新斗室,每層都有唔同主題,例如12樓係「閱讀層」(圖),連接住13樓嘅樓梯有一級級書架,仲會不時搞漂書活動。(曾憲宗攝)

只限科學園區員工 入住需通過計分制

創新斗室2月開始已經有人「試住」,創新斗室副總監Vivian說反應良好,現每日收到800個電郵查詢。入住有3個條件,首先必須要是園區公司員工,另外亦會計分,視乎申請人的專業技能是否合乎園區發展範疇、住址同園區的距離,如果擁有本地物業就一定不能入住。