因為鳥類嘅呼吸道易受感染，海洋公園嘅企鵝護理員每日餵飼時，都會將維他命或營養補充品混入飼料中。（海洋公園提供）
新型冠狀病毒出現動物受感染個案，海洋公園喺1月下旬起暫停開放，原來呢段休園時間，員工都無鬆懈。海園公園喺facebook公布短片，介紹佢哋做全面清潔同提升動物護理程序，例如因鳥類嘅呼吸道易受感染，企鵝護理員每日餵飼時，會將維他命或營養補充品混入飼料中，仲會特別留意佢哋嘅呼吸同心跳。
海洋公園至今休園兩個幾月，園內護理團隊努力確保動物健康，例如為水豚做日常護理工作，觀察其身體狀况同定期抽血檢測；每日為海豹量度體溫，幫佢哋刷牙同檢查口腔，保持口腔衛生。園方話，無論係遊樂設施、動物展館及幕後設施都會徹底清潔，會繼續採取嚴格嘅抗疫措施，期待重開後為訪客締造好玩無憂又安全嘅體驗。
