文章日期 : 2018年12月13日

近萬港人喺初創打工

【明報專訊】近年創業風氣興起,投資推廣署公布最新數據,今年本港初創企業有2625家,按年增長18%;大概有9548人喺初創企業打工,按年增長咗51%。

投資推廣署長傅仲森就話,雖然環球貿易關係緊張,但係本港創企生態圈開始成熟,估計創企數目會保持升勢。

投資推廣署初創企業主管陳幗貞解釋,近年創企數目上升,呢啲公司步入成熟階段,請多咗人擴展業務,所以帶動受僱人數急升。她仲話,根據公開資料,𠵱家本港至少有7家獨角獸(即成立不足10年,估值達10億美元或以上嘅初創企業),「對於香港咁細嘅城市嚟講,表現相當不錯」。她提到,本港以至全球嘅初創企業喺A輪至C輪融資仍有資金需求,而政府推出嘅創科創投基金正好帶動更多資金進入市場。

[小琴密語]