文章日期 : 2018年10月10日

【短片:Emily Online】消防再拍片Rap住教心肺復蘇 籲市民勿見死不救

消防處近來積極推廣心肺復蘇法,以及使用自動體外心臟去纖維性顫動機(AED機)。繼8月中請到羅蘭姐拍片,Rap住教大家正確手勢之後,佢哋今日再有新搞作,搵到前新聞主播鄭萃雯同埋醫生「睇清睇楚」。

新片段除咗再次教大家心肺復蘇法手勢之外,亦回應咗坊間一啲疑慮,包括「應否為免法律責任而見死不救」、「救人會否傳染疾病」、「會否因未學過CPR訓練而搓斷病人肋骨」等等。

消防處方面向Emily透露,今次係想話畀大家知,即使市民無任何急救經驗,見到有人陷入危急情況,千祁唔好猶豫,應該第一時間用AED機並配合心外壓救人,因為病人心臟停頓,必須馬上接受心外壓,維持腦部供氧,如果唔係10分鐘左右就會死亡。