文章日期 : 2018年5月31日

郵政殘障職員 喜見未獲優待

【明報專訊】郵政局為咗宣揚共融溝通,推出一套6枚嘅特別郵票同相關集郵品,喺6月7日到9月6日發售。郵政局話香港係多元社會,唔同社群互相包容同和平共處。郵政局又話𠵱家有約140名職員係殘疾人士,佔整體員工2%,係唔同科組服務市民。

32歲嘅陳穎健係其中一人,佢做咗郵務員3年幾,工作係文書處理。佢1歲前因為骨癌右腳截肢,之後裝咗義肢,唔需要用輪椅,入職初期阿健好怕畀人覺得腳有事唔方便,會有特別安排,但佢話上司一直都當佢係正常同事安排工作,又話同事間好友善,成日一齊食飯,無遇過歧視。作為香港輪椅劍擊代表隊成員嘅佢拎過好多獎牌,不過佢話打劍擊令到個人都幾自我,起初唔習慣呢份工,但師兄師姐教佢點去應付工作,現已應付自如!

50幾歲嘅聽障人士譚阜基係郵差,27年來都喺郵政總局郵政信箱分揀部工作,佢覺得份工適合自己,因為如果要出去派信,可能會遇到不必要嘅麻煩。佢話同事會用紙筆同佢溝通,工作上好少有爭執。

Article Search Box