文章日期 : 2018年3月7日

教大希臘神話活動 國際導師變天仙

【明報專訊】香港教育大學一群國際導師(圖),噚日喺校內中央廣場舉辦一個以「希臘神話」為主題嘅文化活動,透過攤位遊戲、話劇同表演,同師生分享古希臘及羅馬嘅歷史同神話。國際導師著咗古希臘傳統服飾,化身古希臘神話嘅主角,現場仲提供一啲富地中海特色嘅美食𠻹。

教大自2014/15學年起推出「國際導師計劃」,招聘以英語為母語嘅海外大學畢業生駐校,定期籌辦電影、音樂分享會等活動,同學生接觸,促進文化交流,營造更多英語語境。