文章日期 : 2017年11月29日

絲路文物展開鑼 唔少一級文物

【明報專訊】「絲綢之路」橫越亞歐大陸,亦係各國文化交流嘅重要通道。國家文物局與康文署合辦「綿亙萬里——世界遺產絲綢之路」展覽,並以「長安——天山廊道的路網」為核心,於香港歷史博物館展出。特首林鄭月娥噚日出席展覽開幕禮時話,絲綢之路本來就係一條打破藩籬嘅走廊,今天「一帶一路」繼續促進民心相通,建成文明之路。

天山廊道路網跨越中國陝西、河南、甘肅及新疆4省,以及哈薩克斯坦和吉爾吉斯斯坦,展品正正精選自呢啲地方,4省文物共有160多件,當中逾一半係一級文物,仲有超過50件文物來自另外兩國,包括玉器、絲織品、三彩胡人俑、書信及大型壁畫等。展期今日開始,至明年3月5日。