文章日期 : 2017年9月28日

90積金達人 戶口資產逾千萬

【明報專訊】大家成日話強積金回報低,話時話,其實你地有無認真研究過自己嘅資產組合?積金局噚日發布咗一個數字,原來全港有920萬個強積金帳戶,當中90個,累積資產總值已超過1000萬。

小琴聽到呢個數字,當堂嚇一跳。假設呢90個打工仔,由一開始已經供盡上限,17年來累計供款,都只有40幾萬。能夠將呢40幾萬化成1000萬元,「積金達人」絕對當之無愧。但原來累積超過100萬元強積金資產嘅,都有3萬個帳戶。門檻低啲,超過50萬元、或超過20萬元嘅帳戶,分別有14萬個同87萬個。

雖然唔清楚呢批積金達人,除咗強制供款外,仲有幾多係自願供款。但呢個統計都話畀大家知,每個月10%嘅人工都係錢,你點憎政府都好,唔應該憎自己啲錢,只要花功夫研究,揀啱好基金,經過長期投資,強積金都可以係好嘢嚟架!

[小琴密語]