文章日期 : 2017年9月1日

巴斯光年last day 巴打鄧梓峰送別

【明報專訊】唔少香港人一定知道巴斯光年(左)同藝人鄧梓峰(右)嘅「關係」。啟用近12年嘅迪士尼樂園「巴斯光年星際歷險」射擊遊戲噚日last day啦,臨別依依,一向被指同巴斯光年「撞樣」、猶如兄弟嘅鄧梓峰都有現身「送別」,仲一齊合照,一齊同粉絲敬禮!

「反斗奇兵」警長胡迪、女牛仔翠絲等今日仲會去一次大本營,同大家見面。2005年迪士尼開幕起,一直喺「巴斯光年星際歷險」射擊遊戲工作嘅許詠兒話,每次有小朋友同佢分享鍾意呢個遊戲,仲不斷練習拎高分,都令佢好有滿足感。

「巴斯光年星際歷險」同大家講拜拜之後,會改造成以 Marvel超級英雄為主題嘅遊樂設施,Marvel迷留意喇!