文章日期 : 2017年4月11日

中電高層教駁電纜

【明報專訊】開電器就知電力存在,但未必個個知道電由邊度嚟。中電喺剛過去嘅星期六於理工大學校園搞工作坊,畀公眾體驗親手接駁供電電纜,中電營運總裁蔣東強亦參加,親身示範點樣接駁電纜。

蔣東強話,電纜就好似人體嘅血管,要連接完整嘅網絡,電力先可以好似血液咁輸送到各個器官,而接駁電纜需要非常精細嘅手藝,就好似做「電纜外科手術」咁考功夫。

Emily見到當日參加者,除咗年輕人外仲有一家幾口,同埋銀髮一族,佢哋喺一班中電工程人員指導下,個個都化身為電纜醫生,好畀心機,全神貫注做到滿頭大汗,最終成功接駁電纜。