文章日期 : 2017年3月10日

菜統處種出4新品種 可做沙律 全年生產

【明報專訊】漁護署噚日公布喜訊,話同蔬菜統營處設立嘅「全環控水耕研發中心」近日栽種出4個新品種菜苗:冰菜、西蘭花苗、西洋菜苗同小松菜苗。

菜統處生產顧問陳兆麟話,冰菜同西蘭花苗源自台灣,西洋菜苗同小松菜苗分別嚟自美國和日本,呢啲菜種味道同口感各具特色,營養豐富,適合做新潮料理食材、沙律或伴菜,由播種至收成只需22至45日不等,利用環控水耕技術的話仲可全年生產。

水耕中心話,已經向業界介紹呢次研發成果,鼓勵同協助佢哋試種。市民可以透過菜統處嘅流動應用程式「新界菜直送」購買呢啲蔬菜產品。