文章日期 : 2017年2月15日

政府推介賞花好去處

【明報專訊】情人節唔少男士都會買花畀女朋友或老婆,其實唔使用錢買嘅,香港有唔少地方都可以睇到開得好靚嘅花。康文署網頁近日就列出香港唔同地方嘅賞花好去處,政府新聞網facebook亦趁情人節推廣一下。

據康文署介紹,串錢柳、二喬木蘭、台灣相思等,都係春季常見嘅開花樹木,唔同公園就有唔同花,好似沙田公園就有二喬木蘭、宮粉羊蹄甲同串錢柳。

網站並介紹特別具觀賞價值嘅品種,好似本土植物紅花荷,花期係3月至4月,喺動植物公園、北區公園等都可以觀賞得到。如果大家有興趣,可以去康文署網站睇吓香港有咩地方可以賞花:www.lcsd.gov.hk/tc/green/blossoms.html