文章日期 : 2017年1月17日

中大雞年文物展 私人珍藏有得睇

【明報專訊】下個禮拜六(1月28日)就到雞年喇,中文大學文物館即日起至3月5日,舉行「百鳥迎春:雞年賀歲展」,展出53件由漢代至今、以百鳥做主題嘅文物,部分仲係本港私人珍藏𠻹。

今次展品包括漢代至今嘅文物,例如明代弘治年間嘅「青花鴛鴦水注」,呢件文物呈雙鴛鴦形,背部有一個大圓孔。原來明代製作咗唔少呢類青花鴛鴦水注,多用以外銷。

場內亦會展出高劍父嘅「牡丹雞石圖軸」、兩對清雍正「鬥彩雞缸杯」嘅仿品等。

展覽將會喺中大中國文化研究所文物館展廳II舉行,開放時間為星期一、二、三、五、六,上午10點至下午5點,星期日下午1點至5點,逢星期四休館,而本月27至31日(年三十至大年初四)期間亦會休館,有興趣嘅市民要留意。