文章日期 : 2017年1月16日

視障跑手日常靠芝娃娃領航

【明報專訊】49歲嘅視障跑手梁小偉,聯同領跑員拍檔張思縈,於本月21日參加「南極100公里超級馬拉松比賽」。視障難免帶來生活不便,但梁小偉就有愛犬陪伴,佢養嘅芝娃娃狗狗Hugo,雖然唔係正式受訓嘅導盲犬,但佢話Hugo好機警,識扮演領航角色。

「Hugo懂得帶我行路,當遇上柱、雜物等,牠便會向右邊行。繞過障礙物,牠便會行回原路。如果不跟隨牠行,便會撞到障礙物。每次過馬路,牠都懂得帶路,每次企同一位置。」

梁小偉同香港動物報講,近年失明加上失戀打擊,曾經自暴自棄,但因為跑步重燃生命,而喺佢難過到喊嘅時候,4歲、只重3公斤嘅Hugo仲會舔去佢嘅淚水安慰佢,陪佢渡過難過嘅日子。