文章日期 : 2017年1月5日

政府聘「三級實驗室技術員」

【明報專訊】政府近日刊出招聘告示,職位係「三級實驗室技術員」,政府新聞網嘅facebook就講明,呢份「三級」工作雖然只限成人做,但工作性質好嚴肅,絕無不良成分。呢份工係康文署職位,主要係幫手做文物保育工作。

助文物保育 月薪$13,180至14,960

三級技術員會接受3年在職訓練,喺博物館或電影資料館,協助執行與文物修復或科學有關嘅技術同實驗室工作,為文化財產出一分力。Emily翻查康文署文物修復辦資料,文物修復主要分保存同修復兩部分,保存即係保存現狀,修復就係根據文物狀况同需要,施以合適修復工序。

呢份工月薪介乎13,180元至14,960元,申請者要符合相關學歷要求,當中要喺會考或文憑試化學科取得及格成績,須輪班當值同不定時工作,亦可能會被派往偏遠地區工作,通過3年試用期後,當局會考慮長期聘用。