文章日期 : 2016年11月11日

尖沙嘴「雪人」亮燈賀聖誕

【明報專訊】聖誕節仲有個幾月先到,燈飾陸續登場,雖然近日天氣轉涼,但香港多數唔會落雪,尖沙嘴有聖誕裝置就用「雪球」砌雪人,等市民可以擁抱呢啲唔會溶嘅雪人影相。

尖沙嘴海港城今年推出超過150個大小不一嘅「小雪翁」,噚日喺冷雨下亮燈,設計團隊話,「小雪翁」由兩個大雪球組成,造型睇落來似不倒翁,所以起咗名叫「小雪翁」 ! 當中最搶鏡嘅係一棵由唔同「小雪翁」組成嘅12米高巨型聖誕樹,同埋大型旋轉木馬。除咗睇雪人,大家仲可以搵番同自己生日有關嘅專屬「小雪翁」,同佢影番張相,皆因每個「小雪翁」身上都隱藏住「雪人密碼」。