文章日期 : 2020年3月4日

環境運動委員會 聘宣傳經理 月薪5.8萬

【明報專訊】環保署轄下嘅環境運動委員會(ECC),一向負責宣傳教育工作,環保署吉祥物大嘥鬼噚日罕有著住西裝,幫手宣傳委員會招聘宣傳經理。

大嘥鬼著西裝幫手宣傳招聘

委員會嘅帖文話,ECC搵緊志同道合嘅人加入,自問對環保有團火,又係宣傳推廣同活動策劃高手,就可以應徵呢個月薪5.8萬元嘅職位,負責策劃公眾宣傳同環保教育活動,仲有15%約滿酬金,真係幾吸引。

根據ECC嘅招聘廣告,呢個職位要有最少6年相關工作經驗,有網民留言話要識Windows Movie Maker要求都幾高,但作為宣傳經理,製作影片相信係好基本要求。

環境運動委員會除咗撥款支持民間團體推動環保意識,近年仲積極走入社區,推動減廢運動,例如綠色年宵,鼓勵市民走塑,相信宣傳經理都有唔少發揮機會。

招聘詳情:ecc.org.hk/english/about_us/about_us22ac.html