文章日期 : 2019年1月15日

中電學院首屆畢業生出爐

【明報專訊】為業界及有志投身電力行業者提供培訓課程嘅中電學院2017年成立,噚日首批修畢「電力工程專業文憑」同「初級電氣技工證書」課程嘅畢業生出爐,為機電業注入新血,同日舉行歡迎新生典禮。政務司長張建宗主禮,仲同讀緊課程嘅女學員Ajita同Surakchhya特別好傾,兩人祖籍都係尼泊爾,司長鼓勵兩人,佢哋就即席教司長講尼泊爾祝賀語。張建宗唔使3分鐘已經學識講句「拔呔初」,即尼泊爾語「恭喜」咁解。

Surakchhya原本喺尼泊爾修畢酒店管理,5年前移居香港後只搵到餐飲服務生職位,為向上游報讀電力工程文憑課程。Surakchhya同Ajita一樣,計劃一邊工作一邊進修,希望終有一日可以喺傳統以男性主導嘅電力工程行業創出一片天。

尼泊爾女生冀另創新天

畢業學員、現時喺大型承建商任職屋宇裝備工程師嘅梁兆聰話,過去一年幾乎將所有時間用喺工作同專業文憑上,雖然好辛苦,但值得,而且有助事業發展。